Бичлэг
Монголын анхны folk rock хамтлаг болох “Алтан ураг” хамтлагийн анхны бие даасан “Бөртэ чонийн хархираа” хэмээх тоглолт ирэх сарын 8-нд “UB palace”-ийн концертийн их танхимд болох гэж байна. Тоглолтонд “Харанга”, “Чингис хаан”, “Нисванис”, “Fire”, дуучин С.Наран зэрэг хамтлаг дуучид оролцохоос гадна ДБЭЧ-ийн симфони найрал хөгжимчид оролцох юм байна.
"Алтан ураг" хамтлаг өмнө нь гадаадын улс орнуудад тоглолт хийж байсан ч эх орондоо бие даасан тоглолтоо хийж байгаагүй юм. Мөн энэ оны 5 сарын 17, 18 нд Чехийн Чехомор хамтлагтай хамтран тоглолт хийсэн нь манай улсад оршин суугаа Чехийн иргэд болон манай үзэгчдийн таашаалд нийцсэн сайхан тоглолт болсон юм.
"Алтан ураг" хамтлаг ёочин хөгжимчин Б.Эрдэнэбат, Бөмбөрчин Б.Болортунгалаг, электрон морин хуурч Б.Бүрэнтөгс, их хуурч Ц.Гангаа, бишгүүр хөгжимчин, хөөмийч М.Чимэдтогтох, уртын дууч Э.Эрдэнэцэцэг нарын үндсэн бүрэлдэхүүнтэй бөгөөд тоне мистер Бааска, Төрөө, Цээгий нартай хамтран ажилладаг юм байна.
"Алтан ураг" хамтлаг сүүлийн үед этник, фолк рок, фолк метал, контенпорари, чил аут лоунж, язгуур урлаг зэрэг төрлөөр цомог гаргах гэж байгаагаас “Цус”, “Ховс” нэрт хоёр цомог нь сонсогчдын гарт хүрэхэд бэлэн болоод байгаа юм байна.
